មុខគ្មានម្សៅក្រែម ក៏មិនថ្វី អ្នកនៅតែអាចជឿជាក់លើខ្លួនឯងបានដដែល ប្រសិនបើចំណុចទាំងនេះ perfect ស្រាប់។ ចំណុចត្រូវតែស្អាត ទើបធ្វើឲ្យស្រីៗកាន់តែជឿជាក់ ទាំងមុខគ្មានក្រែមម្សៅ មានដូចជា៖
១.ចិញ្ចើម
នៅពេលដែលគេសម្លឹងលើមុខ ចំណុចដែលគេកត់សម្គាល់ដំបូង គឺចិញ្ចើម។ បើចិញ្ចើមធំធម្មជាតិរបស់អ្នកមានភាពក្រាស់ ត្រូវកាត់កោរឲ្យស្អាតសមនឹងទម្រង់មុខ។
២.ភ្នែក
រក្សាភ្នែករបស់អ្នកឲ្យធំ និងស្រឡះល្អ ព្រោះភ្នែកអាចស្រូបទាញវិត្តបាន។ តែបើអ្នកមានភ្នែកមិនសូវធំ អាចបន្ថែមម៉ាស្ការ៉ាស្ដើងៗបាន។ រង្វង់ជ្រៅក៏ជាភាពហ្មងសៅ និងធ្វើឲ្យអ្នកមិនសូវស្រស់ស្រាយដែរ។ ដើម្បីដោះស្រាយបញ្ហាសូមទទួលទានរបបអាហារត្រឹមត្រូវ គេងឲ្យបានគ្រប់គ្រាន់ និងក្រែមលាបភ្នែកប្រសិនបើចាំបាច់។
៣.ថែរក្សាស្បែក
ស្បែកមុខមានជាតិសំណើម គឺគ្រប់គ្រាន់ហើយ ទោះខ្មៅក៏មិនថ្វី។ គន្លឹះដ៏សាមញ្ញបំផុតចំពោះស្បែកស្រស់ស្អាត ការម៉ាស្សាជាមួយទឹកកក ថ្ងៃរៀងរាល់យប់ ១០ វិនាទី នឹងជួយរុញជាតិកង្វក់ក្នុងរន្ធញើសចេញមកក្រៅ ហើយជួយឲ្យចលនាឈាមរត់ស្រួល។
៤.លាបឡេការពារកម្ដៅថ្ងៃ
ស្បែកដ៏ស្រស់ស្អាត ជាស្បែកអាចប្រឈមមុខជាមួយបញ្ហាធម្មជាតិ ឬកម្ដៅថ្ងៃបាន។ តែទោះជាវាមានភាពរឹងមាំ ក៏ត្រូវតែលាបឡេការពារកម្ដៅថ្ងៃ ដើម្បីឲ្យរលោង និងមើលទៅមានសំណើម។
៥.ធ្មេញស
បុរស ៩០% បាននិយាយថាពួកគេខូចចិត្ត ដោយសារតែមានធ្មេញសស្អាត ពេលជួបលើកដំបូង។ ប្រសិនបើអ្នកញ៉ាំសូកូឡាត្រូវដុសធ្មេញភ្លាមៗ ដើម្បីកម្ចាត់ស្នាមខ្មៅ លើសពីត្រូវពិនិត្យធ្មេញជាប្រចាំ ពីរដងក្នុងមួយឆ្នាំ។
៦.រាងកាយស្រឡូន
កុំភ្លេចថារូបរាងស្រឡូនស្អាត គឺជួយឲ្យអ្នកហ៊ានងើយមុខពើងទ្រូងដើរកាត់មុខបុរសដោយមិនខ្លាចអ្វីទាំងអស់។
៧.សក់ស្អាត
មនុស្សស្រីដែលមានភាពជឿជាក់លើខ្លួនឯង តែងតែមានសក់រលោងស្អាត ដោយមិនចាំបាច់ធ្វើម៉ូដអ្វីច្រើន។ កុំឲ្យសក់បែកចុង គឺគ្រប់គ្រាន់ដើម្បីក្លាយជាមនុស្សទាក់ទាញទៅហើយ៕
