ដើមទ្រូងស្អាតគឺជាទំនុកចិត្តមួយដ៏សំខាន់សម្រាប់មនុស្សស្រី។ មានគន្លឹះជាច្រើនក្នុងការថែទាំ តែសម្រាប់ថ្ងៃនេះកញ្ញា នឹងណែនាំនូវវិធីថែទាំបែបធម្មជាតិ និងងាយៗសម្រាប់នារីដែលចង់បានដើមទ្រូងស្អាត មិនងាយធ្លាក់យារ៖
១. ងូតទឹកត្រជាក់
ងូតទឹកត្រជាក់ប្រហែលជាមិនធ្វើឲ្យអ្នកស្រួលខ្លួននោះទេប៉ុន្តែវាមានសារៈសំខាន់ណាស់សម្រាប់ស្បែកដើមទ្រូង។ ប្រសិនបើអ្នកមិនអាចធ្វើបែបនេះជារៀងរាល់ថ្ងៃចូរប្រើដុំទឹកកក ឬកម្រាលដែលត្រជាក់មកស្អំលើដើមទ្រូងអ្នកក៏បាន។
២. រក្សាចលនាខ្នងរបស់អ្នកឲ្យបានត្រង់
នៅពេលអ្នកទម្លាក់ខ្នងឲ្យកោងវាមិនគ្រាន់តែធ្វើឲ្យដើមទ្រូងរបស់អ្នកគ្មានភាពទាក់ទាញនោះទេ វាក៏ធ្វើឲ្យសាច់ដុំសុដន់របស់អ្នកសម្រាកផងដែរ។ អ្នកត្រូវព្យាយាមរក្សាស្មា ខ្នងឲ្យបានត្រង់ជានិច្ច ព្រោះវាល្អសម្រាប់សាច់ដុំសុដន់និងរូបរាងរបស់អ្នក។
៣. ចៀសវាងពាក់អាវទ្រនាប់តឹងពេក
ព្យាយាមកុំឲ្យសុដន់អ្នកមានសម្ពាធតឹងតែង អ្នកគួរតែជ្រើសរើសអាវទ្រនាប់ណាដែលសម និងស្រួលពាក់។ អ្នកគួរតែចៀសវាងការពាក់អាវណាដែលជួយរុញសុដន់របស់អ្នកឡើងព្រោះវាអាចនឹងមានគ្រោះថ្នាក់ ហើយវាធ្វើឲ្យអ្នកមានអារម្មណ៍មិនស្រួល និងបង្អាក់លំហូរឈាមរបស់អ្នក។
៤. ពាក់អាវសម្រាប់ការហាត់ប្រាណឲ្យបានត្រឹមត្រូវ
ការហាត់ប្រាណ និងកីឡាមួយចំនួនទៀតអាចល្អសម្រាប់រូបរាង និងសុខុមាលភាពទូទៅ ប៉ុន្តែវាអាចបង្កគ្រោះថ្នាក់ដល់សុដន់អ្នកព្រោះចលនាដែលអ្នកធ្វើអាចធ្វើឲ្យខូចខាតជាលិកាទន់នៃសុដន់ និងធ្វើឲ្យសុដន់ធ្លាក់យារ។ ដូច្នេះអ្នកត្រូវពាក់អាវកីឡាត្រឹមត្រូវ ហើយកុំព្យាយាមរត់ ឬលោតដោយគ្មានអាវទ្រនាប់ការពារ។
៥. ចៀសវាងការត្រូវកម្ដៅថ្ងៃ
បើអ្នកនៅក្រោមពន្លឺថ្ងៃដោយមិនបានប្រើឡេការពារកម្ដៅថ្ងៃ វានឹងធ្វើឲ្យស្បែកស្ងួតនិងបាត់បង់នូវភាពបត់បែនរបស់វា។ ការស្លៀកពាក់វាល និង សិចស៊ីនៅក្រោមកម្ដៅព្រះអាទិត្យ ឬឆ្នេរខ្សាច់មិនមែនជាការល្អទេប្រសិនបើអ្នកចង់រក្សារូបរាងដើមទ្រូងរបស់អ្នក។
ការពារបានក៏គួរតែការពារព្រោះបើចេះតែមិនខ្វល់ កុំស្ដាយនូវអ្វីដែលបានបាត់បង់ ហើយសម្រស់ដែលបានទៅហើយពិបាកនឹងយកមកវិញណាស់៕
