យោងទៅតាមអ្នកជំនាញបានឲ្យដឹងថា ការគេងគ្រប់គ្រាន់គឺជាផ្នែកមួយដ៏សំខាន់បន្ទាប់ពីរបបអាហារ ដែលចូលរួមពង្រឹងសុខភាពឲ្យកាន់តែរឹងមាំ ។ ប៉ុន្តែតើអ្នកដឹងទេថា មានទម្លាប់ប្រចាំថ្ងៃមួយចំនួន អាចចាត់ចូលជាឥរិយាបថរំខានដល់ការគេង ជាពិសេសវាជាអ្វីដែលស្ត្រីនៅលីវ និងស្ត្រីមានគ្រួសាររួចត្រូវតែដឹង។
១. ពាក់អាវទ្រនាប់ពេលគេង៖ ទម្លាប់ពាក់អាវទ្រនាប់ពេលគេងយប់ មិនមែនជារឿងល្អចំពោះសុខភាពឡើយ ព្រោះវាធ្វើឲ្យចរន្តឈាមក្នុងខ្លួនដើរមិនស្រួល។ ម្យ៉ាងទៀត ក្រៅពីពិបាកដកដង្ហើមហើយ វាថែមទាំងបង្កើនហានិភ័យនៃជំងឺគីសក្នុងសុដន់ទៀតផង ហើយសូមអ្នកកុំបារម្ភ ការគេងមិនពាក់អាវទ្រនាប់មិនធ្វើឲ្យខូចទ្រង់ទ្រាយដើមទ្រូងអ្នកឡើយ។
២. ស្លៀកខោទ្រនាប់ពេលគេង៖ កន្លែងសម្ងាត់របស់អ្នកត្រូវបានបិទបាំងពេញមួយថ្ងៃ ដូច្នេះវាត្រូវការពេលសម្រាកដូចរាងកាយកន្លែងដទៃដែរ។ ប៉ុន្តែត្រូវសម្អាតឲ្យបានស្អាតមុនចូលគេង ពុំនោះវានឹងកើតទៅជាបញ្ហា រោល រមាស់។
៣. មិនសម្អាតផ្ទៃមុខ៖ ជាតិកខ្វក់ទាំងឡាយនៅលើផ្ទៃមុខ អាចធ្វើឲ្យស្បែកអ្នកឆាប់ជ្រួញ ដូច្នេះមុនពេលចូលគេង ត្រូវលាងសម្អាតមុខឲ្យបានស្អាតជានិច្ច ទោះជាអ្នកមាន Make Up ឬគ្នាក៏ដោយ។
៤. ពាក់គ្រឿងអលង្ការពេលគេង៖ ប្រសិនអ្នកដែលមានគ្រួសារ អាចនឹងរំខានដល់ដៃគូដោយសារគ្រឿងអលង្ការទាំងនោះ។ ជួនកាលគ្រឿងអលង្ការទាំងនោះក៏អាចធ្វើឲ្យស្បែកមានប្រតិកម្មផងដែរ៕
